Mero Chitwan

एसईईको नतिजा सार्वजनिक, २ लाख ४२ हजार विद्यार्थीको 'एनजी' बिहीबार, असार १३, २०८१ २०८० सालको माध्यमिक शिक्षा परीक्षा- एसईईको नतिजा सार्वजनिक भएको छ । नतिजा अनुसार कूल विद्यार्थीमध्ये ५२.१४ प्रतिशत अर्थात् २ लाख ४२ हजार ३ सय १३ विद्यार्थीको नतिजा ननग्रेडिङ अर्थात एनजी आएको छ ।

टी–२० विश्वकप : अफगानिस्तानलाई पराजित गर्दै दक्षिण अफ्रिका फाइनलमा बिहीबार, असार १३, २०८१ अफगानिस्तानले दिएको ५७ रनको लक्ष्य १ विकेटको क्षतिमा ६७ बल बाँकी छँदै पूरा गरी दक्षिण अफ्रिका फाइनलमा पुगेको हो । दक्षिण अफ्रिकाका लागि रेजा हेन्ड्रिक्सले २९ र एडेन मारक्रमले २३ रनले जोडे ।

यी चार प्रदेशमा आज अति भारी वर्षाको सम्भावना, सतर्कता अपनाउन आग्रह बिहीबार, असार १३, २०८१ आज राति देशभर साधरणतया देखि पूर्णतया बदली रहने छ। देशभर धेरै स्थानहरूमा चट्याङ्गसहित हल्का देखिमध्यम वर्षाको सम्भावना रहेको छ । कोशी, मधेस, बागमती, गण्डकी, लुम्बिनी र कर्णाली प्रदेशका थोरै स्थानहरूमा भारी वर्षा साथै एक–दुई स्थानमा धेरै भारी वर्षाको पनि सम्भावना रहेको छ ।

नारायणगढ–मुग्लिन सडकमा पहिरो पन्छाउन उपकरण तयारी अवस्थामा बुधबार, असार १२, २०८१ नारायणगढ–मुग्लिन सडकमा सम्भावित पहिरो पन्छाउन दुई ठाउँमा उपकरण तयारी अवस्थामा राखिएको छ । बर्सातसँगै जुनसुकै बेला पहिरो खसेर सडक अवरुद्ध हुन सक्ने भएकाले पूर्वतयारी गरिएको हो ।

इच्छाकामना गाउँपालिकाद्वारा तीन वटा कृषि एम्बुलेन्स सञ्चालन बुधबार, असार १२, २०८१ कृषकले उत्पादन गरेका तरकारी तथा फलफूल खेतबारीबाटै बजारसम्म पुर्‍याउन इच्छाकामना गाउँपालिकाले कृषक समूहलाई अनुदानमा तीन वटा कृषि एम्बुलेन्स उपलब्ध गराएको छ । गत आर्थिक वर्ष र चालु आवको बजेटबाट अनुदानमा कृषि एम्बुलेन्स उपलब्ध गराइएको गाउँपालिकाले जनाएको छ ।

असार १६ गतेदेखि चितवन निकुञ्जमा सफारी बन्द हुने बुधबार, असार १२, २०८१ निकुञ्जका प्रमुख संरक्षण अधिकृत डिलबहादुर पुर्जा पुनले मनसुन सुरु भएसँगै निकुञ्जभित्रका कच्ची वनपथ बिग्रँने, जङ्गलमा भएका स-साना खोला खोल्सामा बाढी आउने तथा रूख लडेर बाटो अवरुद्ध हुनसक्ने भएकाले गतिविधिमा रोक लगाउन लागिएको बताए ।

रुसी सेनामा कार्यरत थप एक नेपालीको मृत्यु बुधबार, असार १२, २०८१ रुसी सेनामा भर्ना भएका तनहुँका नौ जना परिवारको सम्पर्कमा छैनन् । जिल्ला प्रशासन कार्यालय तनहुँमा रहेको आप्रवासी स्रोत केन्द्रका अनुसार जिल्लाका नौ जना युवा रुसी सेनामा भर्ना भएको र आफन्तको सम्पर्कमा नरहेको भन्दै निवेदन परेको छ ।

चितवनमा मगई खोलाले बगाउँदा एक जना बेपत्ता बुधबार, असार १२, २०८१ चितवनको माडीमा खोलाले बगाउँदा एक जना बेपत्ता भएका छन् । आज दिउँसो १:२० बजेको समयमा माडी नगरपालिका-५ छरछरे स्थित मगई खोलाले बगाउँदा स्थानीय ४५ वर्षका रण बहादुर कामी बेपत्ता भएको चितवन प्रहरीले जनाएको छ

जलवीरेमा पहिरो खस्दा नारायणगढ–मुग्लिन सडक अवरुद्ध बुधबार, असार १२, २०८१ नारायणगढ–मुग्लिन सडक खण्डअन्तर्गत इच्छाकामना गाउँपालिका–६ जलवीरेमा पहिरो खस्दा सडक अवरुद्ध भएको छ

लमजुङमा गएराति पहिरो खस्दा चारजनाको मृत्यु बुधबार, असार १२, २०८१ पहिरामा पुरिएर ६७ वर्षीय रुद्रमान गुरुङ, उहाँकी बुहारी ३६ वर्षीया पञ्चकुमारी गुरुङ, नातिनी ४ वर्षीया नम्रता गुरुङ र ८ वर्षीया इच्छा गुरुङको शव भेटिएको स्थानीय चित्र घलेले बताउनुभयो । प्रहरी र स्थानीयले भग्नावशेषबाट उनीहरुको शव निकालेका हुन्

पृथ्वी राजमार्गको विजयपुरखोला नजिक सडक भत्कियो, एकतर्फी आवागमन बुधबार, असार १२, २०८१ सडकको दायाँतर्फ करिब ५ मिटर लम्बाइ र डेढ मिटर चौडाइ सडक घट्टेकुलोको पानीले कटान गरी भत्काएको हो । सडकको छेउ भत्किएपछि सडकको बायाँतर्फ वैकल्पिक सडक खोलेर एकतर्फी रुपमा सवारी आवागमन खुलाइएको छ

अविरल वर्षाले विराटनगर जलमग्न बुधबार, असार १२, २०८१ हिजोदेखि परेको अविरल वर्षाले विराटनगर जलमग्न हुन थालेको छ । बिराटनगर महानगरपालिकाका ११, १२, १६, १७ र १८ वडाका अधिकांस भाग जलमग्न भएका छन् । मध्यरातिदेखि परेको पानीले अधिकांश वडा डुबानमा परेका छ्न्