काठमाडौं : नेपाली कांग्रेसले राष्ट्रिय सभा अध्यक्षमा उम्मेदवारी दिने निर्णय गरेको छ । आज विहान पार्टी सभापति शेरबहादुर देउवाको निवास बूढानीलकण्ठमा बसेको कांग्रेस पदाधिकारीको बैठकले राष्ट्रिय सभामा उम्मेदवारी दिने निर्णय गरेको हो ।

उम्मेदवार भने राष्ट्रिय सभाका सदस्यहरूको बैठकपछि तय गरिने जनाइएको छ । आफ्ना उम्मेदवारप्रति समर्थन जुटाउन अन्य दलहरुसँग पनि छलफल गर्ने निर्णय भएको पूर्वसहमहामन्त्री अर्जुननरसिंह केसीले जानकारी दिए ।

यसअघिका राष्ट्रिय सभा अध्यक्ष गणेशप्रसाद तिमिल्सिनाको पदावधि सकिएपछि उक्त पद खाली भएको हो ।