काठमाडौं-जनता समाजवादी पार्टी (जसपा) दुई मन्त्रालयसहित सरकारमा सहभागी हुने भएको छ । आज बसेको जसपाको कार्यकारिणी समितिको बैठकले जसपा अध्यक्ष उपेन्द्र यादवको नेतृत्वमा सरकारमा जाने निर्णय गरेकाे हाे । यादव उपप्रधानसहित स्वास्थ्यमन्त्री बन्ने भएका छन् ।

जसपाले पाउने दुई मन्त्रालयमध्ये अर्को वन मन्त्रालय पाएको छ । वन मन्त्रीको रूपमा जसपाले नवलकिशोर शाह सुडीलाई पठाउने निर्णय गरेको जसपा कार्यकारिणी समिति सदस्य शुशीला श्रेष्ठले जानकारी दिइन् ।