चितवन : भरतपुर महानगरपालिका वडा नं-११, भोजाडस्थित वडा कार्यालयअगाडि टिप्परको ठक्करबाट मोटरसाइकल चालकको उपचारका क्रममा मृत्यु भएको छ ।

टिप्परको ठक्करबाट मोटरसाइकल चालक भरतपुर-११ नवजीवन टोल बस्ने ३८ वर्षीय प्रेमबहादुर तामाङ गम्भीर घाइते भई पुरानो मेडिकल कलेज भरतपुरमा उपचारका क्रममा मृत्यु भएको प्रहरीले जनाएको छ

भोजाडबाट विशाल चोकतर्फ जाँदै गरेको बागमती प्रदेश ०६-००२ प ७६५ नम्बरको मोटरसाइकलमा सोही दिशातर्फ जाँदै गरेको ना ३९ प २१०२ नम्बरको मोटरसाइकल ठोक्किन गई विशाल चोकबाट भोजाडतर्फ आउँदै गरेको प्रदेश २-०३-००१ ख ३७९८ नम्बरको टिप्परले पुनः ना ३९ प २१०२ नम्बरको मोटरसाइकललाई ठक्कर दिएको थियो ।

तीनवटै सवारीसाधन र टिप्पर चालक नियन्त्रणमा लिइएको र बागमती प्रदेश ०६-००२ प ७६५ नम्बरको मोटरसाइकल चालक भने फरार भई खोजतलास भइरहेको प्रहरीले जनाएको छ