काठमाडौं : सत्ता गठबन्धन चार राजनीतिक दलबीच ८ बुँदे सहमति भएको छ । आज साँझ बालुवाटारमा भएको वार्तामा नयाँ गठबन्धन दलमा सामेल नेकपा एमाले, माओवादी केन्द्र, स्वतन्त्र पार्टी र जनता समाजवादी पार्टीबीच सहमति भएको हो  ।

सहमतिअनुसार सरकारको नेतृत्व माओवादी केन्द्रका अध्यक्ष पुष्पकमल दाहालले गर्नेछन् भने रिक्त रहेको राष्ट्रिय सभा अध्यक्षमा माओवादी केन्द्रका उम्मेदवार र उपाध्यक्षमा एमाले उम्मेदवारलाई समर्थन गर्ने सहमति भएको छ ।

यस्तै, सरकारमा सहभागी दलबीच आपसी सहमतिका आधारमा मन्त्रालय बाँडफाँट गर्ने र नयाँ संयुक्त सरकार गठन प्रक्रिया सकारात्मक अन्य दलसँग संवाद अघि बढाउने निर्णय गरेको छ ।