काठमाडौं–नेकपा एमालेका अध्यक्ष केपी ओलीमाथि आज धनकुटामा हातपात भएको छ । 

नेकपा एमालेको मध्यपहाडी संकल्प यात्राका क्रममा धनकुटाको लेगुवा पुगेका ओलीमाथि एक युवाले आज दिउँसो हातपात गरेका हुन् । सामाजिक सञ्जालमा सार्वजनिक भएको भिडियोमा ओलीको सुरक्षा घेरा तोडेर ती युवाले हातपात गरेको देखिएको छ । 

ओलीमाथि आक्रमण गर्ने युवा धनकुटा उपमहानगरपालिका ५ का महेश राई रहेको जनाइएको छ । फूलमाला र अविरले स्वागत गर्ने लाइनमा बसेका राईले ओली नजिक आएपछि हिर्काएका हुन् । त्यसपछि एमाले कार्यकर्ताहरुले राईलाई नियन्त्रणमा लिएर कुटपिट गरेका थिए ।

प्रहरीले राईलाई नियन्त्रणमा लिएर अनुसन्धान थालेको जनाएको छ ।