भारतीय रियालिटी शो इण्डियन आइडलको टप १४ मा परेर वाहवाही बटुलिरहेकी नेपाली गायिका मेनुका पौडेलले बलिउडमा इन्ट्री गरेकी छन् । उनले बलिउडको ब्लकबस्टर फिल्म ‘केजीएफ’ का निर्देशक प्रशान्त नीलले निर्माण गरिरहेको फिल्म ‘सालार’ मार्फत् बलिउडमा प्रवेश पाएकी हुन् । 

सालारमा मेनुकाले गाएको ‘सुरज हि छाओं बनके...’ गीतसहितको टिजर पनि सार्वजनिक भएको छ । रिया मुखर्जीले लेखेको गीतलाई रवि बासरुरले संगीत दिएका छन्। गीत निर्माता कम्पनी होम्बेल फिल्म्सकै युट्युब च्यानलमार्फत् सार्वजनिक गरिएको हो । फिल्ममा बलिउडका प्रख्यात हस्तीहरु प्रभास, पृथ्वीराज, श्रुती हसन, टिनु आनन्दलगायतको अभिनय हुनेछ । फिल्म २२ डिसेम्बरमा सार्वजनिक हुनेछ ।