काठमाडौं–आज फेब्रुअरी २२ । आजका दिन विश्वभर के–के घटना भएका थिए त ?
१९९७ : बेलायती वैज्ञानिकहरुद्वारा वयस्क जनावरको पहिलो क्लोनबाट डली नाम गरेको भेंडाको जन्म भएको घोषणा । यो काम एडिनबर्गको रोजलिन इन्सिच्युटका इयान विल्मुटको निर्देशनमा भएको थियो । २००३ सम्म बाँचेको यो भेंडाको शरीरलाई स्कटल्याण्डको संग्रहालयमा राखिएको छ।
२०१४ : युरोपेली युनियनसँगको सम्झौताबाट पछि हटेपछि युक्रेनी राष्ट्रपति भिक्टोर यानुकोभिचमाथि महाभियोग लगाइयो, पछि उनी देशबाटै भागेका थिए ।
२०१४ : विश्वकै कु्ख्यात मानिएका लागुऔषधका कारोबारी एल चापो मेक्सिकोमा पक्राउ ।
१९६७ : इण्डोनेसियाका सैनिक जनरल हाजी मोहम्मद सुहार्तोले देशको सबै कार्यकारी अधिकार नियन्त्रणमा लिए ।
१९४८ : कू मार्फत् चेकोस्लोभाकिया कम्युनिष्ट राज्य भयो । तर, यो मुलुक १९९३ मा चेक रिपब्लिक र स्लोभाक रिपब्लिकमा रुपमा दुई देशमा विभाजन भयो ।,
१९४२ > जर्मनीमा ह्वाइट ग्रुप भनिने नाजीविरोधी समूहका ३ सदस्यलाई म्युनिखमा मृत्युदण्ड दिइयो ।
