काठमाडौं : देशभरका लघुवित्त पीडितहरू काठमाडौं आइपुगेका छन् ।

उनीहरुले न्याय मार्च नाम दिएर न्याय नपाएको भन्दै काठमाडौंमा मार्चपाससमेत गरेका छन् । काठमाडौंमा मंगलबार प्रदर्शनका क्रममा आन्दोलनमा सहभागी रोल्पाका गगन विश्वकर्माले लघुवित्तीय संस्थाहरुले बढी ज्यादति गरेको हुनाले आन्दोलन गर्नुपरेको बताए । उनले लघुवित्त संस्थाहरुले ऋणीसँग चर्को ब्याज असुलेको दाबी गरे ।

‘लघुवित्त संस्थाहरुले बढी ज्यादति गरेको हुनाले कसैलाई घरबारविहीन बनाए, कसैलाई जग्गा लुटेर बैंकमा लुटपाट गराइदिने, बढी चर्को ब्याज असुलेका छन् । बढी पीडितलाई दबाब दिएकाले आन्दोलन गरेका हौं,’ उनले भने ।

लघुवित्त संस्था विरुद्धको संघर्ष समितिले बुधबारबाट काठमाडौंलक्षित आन्दोलन गर्ने बताएको छ ।

* शीर्षक सच्याइएको ।