दाङ-दाङमा ड्युटीमा खटिएकै बेला एक प्रहरीको गोली हानी हत्या भएको छ ।

घोराहीको दामोदर चोकमा ड्युटीमा रहेकी महिला प्रहरीको उनकै श्रीमानले गोली हानेर हत्या गरेका हुन् ।

वडा प्रहरी कार्यालय घोराहीमा कार्यरत प्रहरी जवान धनमाया थापालाई उनकै श्रीमानले गोली हानेर हत्या गरेको जिल्ला प्रहरी कार्यालय दाङले जनाएको छ ।

बिहीबार राति धनमायालाई गोली हानेर भाग्दै गरेका यमबहादुर झाँक्रीलाई लमहीको अर्जुनखोलाबाट पक्राउ गरेको प्रहरीले जानकारी दिएको छ । प्रहरीका अनुसार झाँक्री पनि प्रहरी हुन् भने उनी नेपालगन्जमा कार्यरत थिए ।