चितवन : बसले ठक्कर दिँदा कांग्रेस नेता एवम पूर्वमन्त्री बलराम पौडेलको निधन भएको छ । उनी सवार मोटरसाइकललाई नवलपुरको गैंडाकोटमा बसले ठक्कर दिँदा पौडेलको घटनास्थलमै मत्यु भएको हो ।

आज विहान साढे ११ वजे कालीगण्डकी चोक नजिकै राजमार्गमा ग १ ख ८५४७ नम्बरको बसले पौडेल सवार ना ४६ प ७७५९ नम्बरको मोटरसाइकल लाई ठक्कर दिएको इलाका प्रहरी कार्यालय गैँडाकोटले जनाएको छ ।

भरतपुर महानगरपालिका वडा नं १७ विजयनगर घर भएका ६६ वर्षीय पौडेल २०७८ पुस ९ गते बागमती प्रदेश भूमि व्यवस्था, सहकारी तथा गरीबी निवारणमन्त्री भएका थिए ।

पौडेललाई ठक्कर दिने बस र चालकलाई प्रहरीले नियन्त्रणमा लिएको छ । पौडेलको शव भरतपुर अस्पतालमा राखिएको छ ।