Mero Chitwan
मनहरीमा बसको ठक्करबाट म्याजिक चालकको मृत्यु, स्थानीयद्वारा राजमार्ग अवरुद्ध

चितवन-मकवानपुरको मनहरी गाउँपालिका–६, लोथर बजारमा आज बिहान भएको दुर्घटनामा एक जनाको मृत्यु भएको छ । 

जिल्ला प्रहरी कार्यालय मकवानपुरका अनुसार चितवनबाट हेटौंडातर्फ आउँदै गरेको बा.प्र.०३-००६ ख ५६८१ नम्बरको बस र मनहरीबाट चितवनतर्फ जाँदै गरेको बा.प्र.०३-००१ च ३०१२ नम्बरको म्याजिक गाडी ठोक्किँदा म्याजिक चालक राक्सिराङ ४ निवासी ३२ वर्षीय सन्देश कोईराला गम्भीर घाइते भएका थिए । उनलाई उपचारका लागि चितवन नयाँ मेडिकल कलेज, भरतपुर ल्याइएकोमा उपचारका क्रममा बिहान ४:१५ बजे निधन भएको हो । 

दुर्घटनापछि प्रहरी प्रशासनले बस चालकलाई नियन्त्रणमा लिएको छ भने मृतकका आफन्तले विरोध जनाउँदै इलाका प्रहरी कार्यालय मनहरीअगाडि राजमार्ग अवरुद्ध गरेका छन्।

मृतक कोईराला मनहरीको रोटरी मार्केटमा तरकारी व्यवसाय गर्दै आएका थिए। 

 

प्रकाशित मिति: शुक्रबार, चैत १५, २०८१  ०९:३२
प्रतिक्रिया दिनुहोस्
Weather Update