सिन्धुपाल्चोक केन्द्रबिन्दु भएर भूकम्प जाँदा १ घाइते, भोटेकोशीमा पहिरो गयो
काठमाडौं – सिन्धुपाल्चोकको भैरवकुण्ड केन्द्रविन्दु भएर आएको ६.१ म्याग्निच्युडको भूकम्पले जिल्लामा सामान्य क्षति पुगेको छ।
आज बिहान साढे ६ बजेसम्म प्राप्त विवरणमा मानवीय र ठूलो भौतिक क्षति केही पनि भएको छैन।
सिन्धुपाल्चोकका प्रमुख जिल्ला अधिकारी किरण थापाका अनुसार आत्तिएर भाग्नेक्रममा लड्दा एक जना कैदीको हात भाँचिएको छ। उनको जिल्ला अस्पतालमा उपचार भइरहेको छ।
यसैगरी कोदारीस्थित प्रहरी चौकीको भित्ता चर्किएको छ भने भोटेकोशी गाउँपालिका वडा नम्बर ३ स्थित दुगुनागढीमा पहिरो खसेको छ।
शुक्रबार विहान २:५१ बजे भूकम्प गएको हो।
प्रकाशित मिति: शुक्रबार, फागुन १६, २०८१ ०६:४८
प्रतिक्रिया दिनुहोस्
साताको लोकप्रिय
