भारतका चर्चित फिल्म निर्देशक श्याम बेनेगलको निधन
एजेन्सी-भारतका चर्चित फिल्म निर्देशक श्याम बेनेगलको ९० वर्षको उमेरमा निधन भएको छ । मुम्बईको वोकहार्ट अस्पतालमा उनको सोमबार साँझ निधन भएको हो ।
बेनेगलकी छोरी पिया बेनेगलले सोमबार साँझ करिब ६.३० बजे आफ्नो बुबाको निधन भएको बताइन् । बेनेगल दुई वर्षदेखि मिर्गौलाको गम्भीर रोगबाट पीडित थिए ।
'अंकुर', 'निशान्त', 'मन्थन', 'भूमिका' र 'मंडी' जस्ता फिल्म निर्देशन गरेका बेनेगल ७०-८० को दशकमा समानान्तर सिनेमा आन्दोलनका दिग्गज मानिन्छन्। उनका फिल्महरूमा लैङ्गिक समानता, सामाजिक न्याय र राजनीतिक सङ्घर्ष जस्ता विषयहरू समावेश छन् ।
उनलाई सन् १९७६ मा पद्मश्री र सन् १९९१ मा पद्मभूषणबाट सम्मानित गरिएको थियो । फिल्म निर्देशक बेनेगलले केही दिनअघि १४ डिसेम्बरमा आफ्नो ९० औं जन्मदिन मनाएका थिए ।
प्रकाशित मिति: सोमबार, पुस ८, २०८१ २२:५०
प्रतिक्रिया दिनुहोस्
थप समाचार
साताको लोकप्रिय
