Mero Chitwan
जाजरकोटको कुशे- ७ मा कांग्रेसका सिंह विजयी

वीरेन्द्रनगर-जाजरकोटको कुशे गाउँपालिका - ७ मा कांग्रेसका उम्मेदवार खम्बबहादुर सिंह विजयी भएका छन् । माओवादी केन्द्रका गोरखबहादुर घर्तीलाई पराजित गर्दै उनी विजयी भएको मुख्य निर्वाचन अधिकृतको कार्यालयले जनाएको छ ।

सिंह १५ मतको मतान्तरले विजयी भएका छन् । कांग्रेस उम्मेदवार सिंहले ३ सय ४७ मत प्राप्त गरी विजयी भएका हुन् भने उनका निकटतम प्रतिद्वन्द्वी नेकपा माओवादी केन्द्रका घर्तीले ३ सय ३२ मत प्राप्त गरेका छन् । १ हजार ३ सय २ मतदाता रहेको वडामा ९ सय ५६ मत खसेको थियो ।

एमालेका गोरखबहादुर नेपालीले २ सय ५२ मत प्राप्त गरेका छन् । राष्ट्रिय प्रजातन्त्र पार्टीका लालबहादुर खत्रीले ७ मत प्राप्त गरेको जिल्ला निर्वाचन अधिकारी नविनकुमार कठायतले जानकारी दिए । १५ मत बदर भएको छ । माओवादी केन्द्रका मुनबहादुर घर्तीको निधन भएपछि रिक्त रहेको वडाध्यक्ष पदमा उपनिर्वाचन भएको हो ।

प्रकाशित मिति: आइतबार, मंसिर १६, २०८१  २२:११
प्रतिक्रिया दिनुहोस्
Weather Update