रुकुमपश्चिममा छोराले गरे ५१ वर्षीय बुबाको हत्या
चितवन- रुकुमपश्चिममा आफ्नै छोराले बुवाको हत्या गरेका छन् । आठबिसकोट नगरपालिका १० घारीखोलाका १९ वर्षीय वीर बहादुर केसीले ५१ वर्षीय बुवा दर्बे केसीको हत्या गरेको प्रहरीले जनाएको छ ।
आइतबार बेलुका वीरबहादुरले बुवाको पेटमा चक्कु प्रहार गरेर हत्या गरेका हुन् । बुवाको हत्यापछि उनी फरार छन् । उनको खोजीमा प्रहरी परिचालन भएको प्रहरीले जनाएको छ ।
स्थानीयका अनुसार बुवाले कान्छी श्रीमती ल्याएको भन्दै पटक पटक विवाद हुने गरेको थियो । वीरबहादुर बुवालाई चक्कु प्रहार गरेर वीरबहादुर जंगलतिर भागेको बताइएको छ ।
प्रकाशित मिति: सोमबार, मंसिर १०, २०८१ ०८:०८
प्रतिक्रिया दिनुहोस्
साताको लोकप्रिय
