चितवनमा स्कूल बस दुर्घटना हुँदा २८ जना घाइते
चितवन : चितवनमा पिकनिक मनाएर फर्कँदै गरेका विद्यार्थी बोकेको स्कुल बस दुर्घटना हुँदा २८ जना घाइते भएका छन् ।
शनिबार अपरान्ह कालिका-९ स्थित उपरदाङ्गढीबाट पिकनिक खाएर फर्कँदै गर्दा कालिका-४ स्थित चित्रवन स्कुलको बस दुर्घटनामा परेको हो । दुर्घटनामा बसमा सवार ३२ जनामध्ये २८ जना घाइते भएको जिल्ला प्रहरी कार्यालय चितवनले जनाएको छ ।
घाइतेमध्ये एक बालिकाको अवस्था गम्भीर रहेको छ । घाइतेमध्ये २२ जनाको चितवन मेडिकल कलेज र ६ जनाको पुरानो मेडिकल कलेज भरतपुरमा उपचार भइरहेको छ । बसका चालक जितेन्द्र चौधरीले बसको ब्रेक फेल भएपछि विधार्थीलाई जोगाउन बसलाई सडक छेउको भित्तामा ठोक्काएको बताएका छन् ।
पिकनिक मनाउन स्कुलमा अध्ययनरत ५ देखि १० कक्षासम्मका विद्यार्थी र शिक्षकहरू गएका थिए ।
प्रकाशित मिति: शनिबार, मंसिर ८, २०८१ २२:२३
प्रतिक्रिया दिनुहोस्
साताको लोकप्रिय
