चितवन- चितवनकाे रत्ननगर १३ जयमंगलामा बिहीबारदेखि दाेस्राे दशैं कप व्याडमिन्टन प्रतियाेगिता हुने भएकाे छ ।
जयमंगला युवा क्लवले आयाेजना गरेकाे उक्त प्रतियाेगितामा ६० टिमकाे सहभागिता रहने प्रतियाेगिताका संयाेजक अनित चाैरेलले जानकारी दिए । प्रतियाेगिता सी र डी लेभलमा हुनेछ ।
आयाेजकले बुधबार पत्रकार सम्मेलन गरी प्रतियाेगिताकाे उद्देश्य र तयारीका बारेमा जानकारी गराएकाे हाे । बिहीबार बिहान ८ बजे उद्घाटन हुने छ ।
प्रतियाेगितामा प्रथम हुने टिमलाई ३० हजार, दोस्रो हुने टिमलाई २० हजार, तृतीय हुने टिमलाई १० हजार नगद पुरस्कार सहित मेडल, ट्रफि र प्रमाणपत्र प्रदान गरिने क्लवका अध्यक्ष राजन दंगालले जानकारी दिए । प्रतियाेगितामा सर्वाेत्कृष्ट खेलाडीलाई तीन हजार सहित मेडल, ट्रफी र प्रमाणपत्र प्रदान गरिएकाे छ ।
खेलकुदका माध्यमबाट रत्ननगरलाई राष्ट्रिय रुपमा चिनाउन तथा खेल पर्यटनकाे विकास गर्न प्रतियाेगिता आयाेजना गरिएकाे आर्थिक समितिका संयाेजक सुदिप शाहले जानकारी दिए । एभिन्यू कन्सल्टेन्सीले मुख्य प्रायाेजन गरेकाे साे प्रतियाेगिता असाेज १९ गते सम्म चल्ने छ ।प्रतियाेगितामा रत्ननगर नगरपालिका, सेन्ट्रल माेडल कलेज, किसान दाना उद्योग, सम्पर्क हार्डवेयर तथा वडा कार्यालयहरुले सहयाेग गरेका छन् ।
