बाढी पहिरो अपडेट : ११२ जनाको मृत्यु, ६८ बेपत्ता, राजधानी भित्रने सबै राजमार्ग ठप्प
काठमाडौँ- भारी वर्षापछि आएको बाढी, पहिरो र डुबानबाट अहिलेसम्म ११२ जनाको मृत्यु भएको छ । विपद्मा परी हालसम्म ६८ जना बेपत्ता भएका छन् भने एक सय जना घाइते भएका छन् ।
गृह मन्त्रालयका सहसचिव एवं प्रवक्ता ऋषिराम तिवारीका अनुसार काठमाडौँ उपत्यकामा मात्रै ४८ जनाको मृत्यु भएको छ । काठमाडौँमा २५, भक्तपुरमा पाँच र ललितपुरमा १८ जनाको मृत्यु भएको छ ।
शनिबार रातिसम्म मकवानपुर, सिन्धुली र काभ्रेपलाञ्चोकमा गरी ६८ जनाको नेपाली सेनाको हेलिकप्टरबाट उद्धार गरिएको प्रवक्ता तिवारीले जानकारी दिए । उद्धार गरिएकामध्ये मकवानपुरका ३३, सिन्धुलीका ३३ तथा काभ्रेपलाञ्चोकका दुई जना रहेका छन् ।
यस्तै राजधानी भित्रने सबै राजमार्ग पहिरोका कारण ठप्प रहेको छ ।
प्रकाशित मिति: आइतबार, असोज १३, २०८१ ०७:१३
प्रतिक्रिया दिनुहोस्
थप समाचार
साताको लोकप्रिय
