काठमाडौँ —सहकारी ठगीसम्बन्धी संसदीय छानबिन विशेष समितिले गोर्खा मिडिया नेटवर्कका तत्कालीन प्रबन्ध निर्देशक, पूर्वगृहमन्त्री तथा रास्वपा सभापति रवि लामिछानेले सहकारीबाट आएको रकम अपचलन गरेको ठहर गर्दै कारबाहीको सिफारिस गरेको छ ।
गोर्खा मिडियामा ल्याएको ६५ करोड ५४ लाख रकम सबै सहकारीकै भएको र उक्त रकम जीबी राई र रवि लामिछानेले चेक काटेर खर्च गरेको समितिले सोमबार बुझाएको प्रतिवेदनमा उल्लेख छ । पैसा खर्च गर्न रविको संलग्नता रहेकाले कारबाहीको सिफारिस गरेको छ ।
कम्पनीका अध्यक्ष गितेन्द्रबाबु (जीबी) राई, प्रबन्ध निर्देशक लामिछाने र सञ्चालक छविलाल जोशीले केवाईसी फर्म भरेर चेकमा हस्ताक्षर गर्ने गरी दुई वटा बैंकमा संयुक्त खाता सञ्चालन गरेको समेत छानबिनबाट पुष्टि भएको छ ।
सहकारीको रकम दुरुपयोग गरेको प्रमाण खोज्दै आएका छन् तर छानबिन समितिले उनको दोष पुष्टि हुने दर्जनौं प्रमाण जुटाएको छ ।
