चितवन-चितवनको रत्ननगर नगरपालिका–३ शान्ति चोकमा गएराति कन्टेनर र मोटरसाइकल आपसमा ठोक्किँदा मोटरसाइकल चालकको मृत्यु भएको छ ।

वीरगञ्जबाट कुखुराको दाना लोडगरी भरतपुरतर्फ आई रहेको ना ८ ख २८१८ नम्बरको कन्टेनर र विपरीत दिशाबाट गईरहेको बागमती प्रदेश ०६–००३ प ४८५१ नम्बरको मोटरसाइकल राति २ः१० बजे आपसमा ठक्कर खाँदा मोटरसाइकल चालक रत्ननगर–१५ बस्ने ३४ वर्षीय जीवन मग्रातीको मृत्यु भएको हो । 

मग्रातीको बकुलहर टाँडी अस्पतालमा उपचारका क्रममा मृत्यु भएको जिल्ला प्रहरी कार्यालय चितवनले जनाएको छ । प्रहरीले कन्टेनर र चालक बारा गढीमाई नगरपालिका–५ का ३६ वर्षीय  श्यामसुन्दर सहनीलाई नियन्त्रणमा लिएको छ ।