नारायणगढ–मुग्लिन सडकको घुमाउनेमा बस दुर्घटना हुँदा १० जना घाइते
चितवन-चितवनको नारायणगढ–मुग्लिन सडकखण्डको घुमाउनेमा बस दुर्घटना हुँदा १० जना घाइते भएका छन् ।
महेन्द्रनगरबाट काठमाडौं जाँदै गरेको सुदूरपश्चिम प्रदेश ०२–००१ ख १३३२ नम्बरको बस आज बिहान भरतपुर महानगरपालिका वडा नम्बर २९ घुमाउनेमा दुर्घटना भएको हो ।
बसमा अनियन्त्रित भई सडकको डिभाइडरमा ठोक्किएर दुर्घटना भएको हो । सडक किनारमा लगाइएको बारले छेकेकाले बस त्रिशूली नदीमा खस्नबाट जोगिएको छ । दुर्घटनाका १० जना घाइतेलाई उपचारका लागि भरतपुर ल्याइएको जिल्ला प्रहरी कार्यालय चितवनले जनाएको छ । बसमा ३४ जना रहेको जनाइएको छ ।
प्रकाशित मिति: आइतबार, भदौ ९, २०८१ ०७:५९
प्रतिक्रिया दिनुहोस्
साताको लोकप्रिय
