काठमाडौं- अमेरिकाको भर्जिनियास्थित मनाससबाट एक नेपाली नर्स एक सातादेखि बेपत्ता भएकी छन् । 

अमेरिकाको भर्जिनियामा रजिष्टर्ड नर्सका रुपमा कार्यरत  २८ बर्षीया ममता काफ्ले बेपत्ता भएकी हुन । उनी जुलाई ३१ मा अन्तिमपटक मनासस पार्कमा देखिएको र त्यसपछि परिवार वा साथीहरुको सम्पर्कमा नरहेको भन्दै प्रहरीले ममता काफ्ले खोजीमा सघाउन सर्वसाधारणहरुलाई आग्रह गरेको छ ।

उनको परिवारले पनि ममता काफ्लेको खोजीका लागि सघाउन सार्वजनिक अपिल गरिरहेको छ । उनको नेपालको घर काभ्रे रहेको जनाइएको छ । उनका श्रीमान नरेश भट्टले पनि सामाजिक सञ्जालमार्फत ममताको खोजीमा सघाउन अनुरोध गरेका छन् ।