नारायणी किनारमा ‘मर्निङवाक’ गरिरहेका व्यक्तिलाई बाघले गर्यो आक्रमण
चितवन-भरतपुर महानगरपालिका–१ स्थित नारायणी नदी किनारमा ‘मर्निङवाक’ मा रहेका एक व्यक्तिलाई बाघले आक्रमण गरेको छ ।
आज बिहान करिब ५ः२० बजे पैदल हिँडेका भरतपुर–२ बेलटाँडी बस्ने ६० वर्षीय पशुपती श्रेष्ठलाई एक्कासी बाघले आक्रमण गरेको चितवनका प्रमुख जिल्ला अधिकारी इन्द्रदेव यादवले जानकारी दिए ।
आक्रमणबाट घाइते भएको श्रेष्ठको चितवन मेडिकल कलेजमा उपचार भइरहेको छ । उनको मुख र हातमा चोट लागेको र अवस्था मध्यम रहेको बताइएको छ । बाघको खोजी तथा नियन्त्रणको लागि जिल्ला वन कार्यालयबाट कर्मचारीहरु खटिएका छन् ।
प्रकाशित मिति: आइतबार, साउन २०, २०८१ ०७:२७
प्रतिक्रिया दिनुहोस्
साताको लोकप्रिय
