काठमाडौँ-नेकपा एकीकृत समाजवादीले ३४४ जनाको केन्द्रीय कमिटीको नाम घोषणा गरेको छ । अध्यक्ष माधवकुमार नेपाल, सम्मनित नेता झलनाथ खनाल र महासचिव घनश्याम भुसालको कार्यदलले केन्द्रीय कमिटी सदस्यको नाम टुंगो लगाएको हो ।

यसअघि असार १६ देखि २० सम्म काठमाडौंमा भएको दशौं महाधिवशेनले ९३ जनाको नाम घोषणा गरेको थियो । शुक्रबार थप २५१ सहित ३४४ केन्द्रीय कमिटी सदस्यको नाम घोषणा गरिएको हो । 

महाधिवशेनले अध्यक्ष माधवकुमार नेपाल, सम्मानित नेतामा झलनाथ खनाल र महासचिव घनश्याम भुसाललाई अनुमोदन गरे पनि अन्य पदाधिकारी चयन गरेको छैन ।