एमालेद्वारा सरकारलाई दिएको समर्थन फिर्ता, राजीनामा दिने तयारीमा मन्त्रीहरु
काठमाडौं : नेकपा एमालेले प्रधानमन्त्री पुष्पकमल दाहाल प्रचण्डलाई दिएको समर्थन फिर्ता लिएको छ। केहीबेरमै औपचारिक रुपमा समर्थन फिर्ताको पत्र दर्ता गरी प्रधानमन्त्रीलाई बुझाउने तयारी छ।
एमालेका प्रमुख सचेतक महेश बर्तौलाले दुई ठूला दल नेपाली कांग्रेस र नेकपा एमाले मिलेर राष्ट्रिय सहमतिको सरकार बनाउने औपचारिक निर्णय गरेपछि प्रधानमन्त्रीले राजीनामा दिएर मार्ग प्रशस्त गर्ने विश्वास रहेकोमा त्यसो नभएको बताए।
उनले प्रधानमन्त्रीबाट मार्ग प्रशस्त नभएपछि नयाँ राष्ट्रिय सहमतिको सरकार गठन प्रक्रिया अघि बढाउन एमालेले सरकारलाई दिएको समर्थन फिर्ताको पत्र दर्ता गर्न लागेको बताए। यससँगै एमालेका मन्त्रीहरुको राजीनामासमेत दिइने बताइएको छ।
प्रकाशित मिति: बुधबार, असार १९, २०८१ १८:४४
प्रतिक्रिया दिनुहोस्
थप समाचार
साताको लोकप्रिय
