रोल्पामा जिप दुर्घटना हुँदा ८ जनाको मृत्यु, ६ घाइते
रोल्पा : रोल्पामा जिप दुर्घटना हुँदा एक बच्चासहित आठजना मृत्यु भएको छ । दुर्घटनामा ६ जना घाइते भएका छन् ।
माडी गाउँपालिका २, घर्तीगाउँबाट माडी ४, तलाबाङ जाँदै गरेको लु.१ज ३२५२ नम्बरको जिप परेवा छहरामा सोमबार दिउँसो दुघर्टना भएको जिल्ला प्रहरी कार्यालय रोल्पाले जनाएको छ ।
दुर्घटनाका मृत्यु भएकाहरुको पहिचान खुलेको छैन । घाइतेहरुलाई उपचारका लागि प्राथमिक स्वास्थ्य केन्द्र घर्तीगाउँमा पठाएको जिल्ला प्रहरी कार्यालय रोल्पाका प्रमुख (डीएसपी) भरत लामाले जानकारी दिनुभएको छ ।
दुर्घटनामा घाइतेहरूको अवस्था चिन्ताजनक छ । जिप सडकबाट करिब ४ सय मिटर तल खसेको छ ।
प्रकाशित मिति: सोमबार, असार १७, २०८१ १९:४१
प्रतिक्रिया दिनुहोस्
थप समाचार
साताको लोकप्रिय
