चितवन : भरतपुर–७ गौतमचोकस्थित चितवन फुटसल एन्ड स्पोर्ट्स जोन भित्रको कोठामा एक जना युवक मृत फेला परेका छन् । माडी नगरपालिका–६ बस्ने २३ वर्षिय अखिल सापकोटा घोप्टो परेर सुतेको अवस्थामा मृत फेला परेको जिल्ला प्रहरी कार्यालय चितवनले जनाएको छ । 

मंगलबार राती १० बजे साथीहरुले उनलाई मृत अवस्थामा देखेपछि प्रहरीलाई खबर गरेका थिए । प्रहरीले घटनास्थल पुगेर मुचुल्का गर्ने लगायतको काम गरिरहेको छ । मृतकको मुखबाट रगत आएको देखिएको छ ।