म्याग्दी : आफ्नै बाबुलाइ धारिलो हतियार प्रहार गरी घाइते बनाएको अभियोगमा प्रहरीले छोरालाई पक्राउ गरेको छ । बेनी नगरपालिका–३ भकिम्लिका बस्ने ४१ वर्षीय कविराम घर्तीलाई धारिलो हतियार प्रहार गरी घाइते बनाएको अभियोगमा २२ वर्षीय छोरा मिलन घर्तीलाइ प्रहरीले पक्राउ गरेको हो । 

शुक्रवार बिहान  छोरा मिलन घर्तीले धारिलो हतियार प्रहार गर्दा कविरामको घाँटी र ढाडमा गम्भीर चोट लागेको जिल्ला प्रहरी कार्यालय म्याग्दीका प्रहरी निरीक्षक राजन रायमाझीले जानकारी दिए । उन्का अनुसार गम्भीर घाइते भएका कविरामको उपचार बेनी अस्पतालमा सम्भव नहुने भनिएपछि थप उपचारका लागि पोखरा रिफर गरिएको छ ।

यस सम्बन्धमा प्रहरीले थप अनुसन्धान गरिरहेको छ ।