चितवन-बुटवलको मिलनचोकमा रहेको डेल्टा कम्प्लेक्समा भिषण आगलागी भएको छ । साँझ करिब साढे ७ बजे लागेको आगो रातिसम्म पनि निभाउने प्रयास भइरहेको छ ।
रुपन्देहीसहित छिमेकी जिल्ला नवलपरासी पश्चिमका १२ वटा दमकलले आगो निभाउने प्रयास भइरहेको प्रहरीले जनाएको छ । विद्युत् सर्ट भएर आगलागी भएको प्रहरीको आशंका छ ।
डेल्टा कम्प्लेसको चौथो तल्लाबाट लागेको आगो निभाउन बुटवल उपमहानगरपालिका, नेपाल प्रहरी र स्थानीय बासिन्दा जुटेका छन् । डेल्टा भवनमा विद्यालयका तयारी पोसाक, खेलकुदका सामग्री र विभिन्न विद्यालयका पाठ्यपुस्तकलगायत किराना सबै प्रकारका सामान बिक्री हुँदै आइरहेको छ । आगलागी खेलकुदका सामग्री रहेको चौथो तलाबाट सुरु भएको सञ्चालक घनश्याम पाठकले बताए ।
बुटवलको बीच भागमा रहेको डेल्टा आसपास ठूलाठूला भवन र मानव बस्ती भएकाले पनि निकै जोखिम रहेको प्रहरीले जनाएको छ ।
