काठमाडौं : आफूलाई भ्रष्टाचारविरोधी अभियन्ता भन्दै ठगी गर्ने चारजनालाई प्रहरीले पक्राउ गरेको छ ।
काठमाडौंको गोकर्णेश्वर नगरपालिकाभित्र गैरकानुनी रूपमा ‘बेथिति एवं भ्रष्टाचारविरुद्धको अभियान २०८०’ नामक संस्था खोली विभिन्न वडामा शाखासमेत विस्तार गरेर ठगी गर्ने चारजनालाई मंगलबार प्रहरीले पक्राउ गरेको हो ।
पक्राउ पर्नेहरुमा गोकर्णेश्वर नगरपालिका– ६ बस्ने ३१ वर्षीय राजु सुनार, सोही नगरपालिका– ८ बस्ने २६ वर्षीय आदर्श क्षेत्री, वडा नम्बर १ बस्ने २० वर्षीया असिमता खत्री र वडा नम्बर २ बस्ने प्रेमप्रसाद श्रेष्ठ रहेको प्रहरीले जनाएको छ
उनिहरुले गैरकानुनी रूपमा विभिन्न सरकारी कार्यालय, स्थानीय निकाय, विद्यालय, संघसंस्था, कम्पनी आदिमा गएर धम्क्याई रकम असुल्ने गरेको पाइएको प्रहरीले जनाएको छ ।
उनीहरूले विभिन्न कार्यालयमा पुगेर हिसाबकिताब देखाऊ नत्र भ्रष्टाचारको मुद्दा हालिदिन्छु भन्दै रकम असुल्दै आएका थिए ।
