काठमाडौं : कुकुरलाई लाठ्ठीले बारम्बार प्रहार गरी क्रुरतापुर्वक हत्या गरेको अभियोगमा तीन व्यक्ति पक्राउ परेका छन् ।

 
कुकुरलाई क्रुरतापूर्वक हत्या गरी खाल्डोमा पुरेको भिडियो विभिन्‍न सामाजिक संजालहरुमा भाइरल भएपछि प्रहरीले अनुसन्धान थालेको थियो । सोही क्रममा उक्त घटना जेठ ३२ गते इलाम देउमाई ४ सरदार गाँउमा भएको खुलेको थियो । त्यसपछि खटिएको प्रहरीले ३ जनालाई नियन्त्रणमा लिएको हो ।