दाङ : दाङमा आफनै श्रीमतीको हत्या गरी फरार रहेका नेपाली सेनाका ३६ वर्षीय शालिकराम बुढाथोकीलाई प्रहरीले पक्राउ गरेको छ ।
कपुरकोट ६ सल्यान घर भई तुलसीपुर डुम्रीगाउँ बस्ने बुढाथोकीले आज शुक्रबार बिहान ८ बजे घरको कोठामै श्रीमती टिका बुढाथोकीको हत्या गरी फरार भएका थिए।
फरार बुढाथोकीलाई तुलसीपुर बाहिनी चोकबाटै पक्राउ गरिएको हो ।
शान्तिसेनाबाट फर्किएका बुढाथोकीले श्रीमतीलाई बिहान परपुरुषसँग देखेपछि खुकुरी प्रहार गरि हत्या गरेको प्रहरीले जनाएको छ । खुकुरी प्रहारबाट घाइते भएकी टिकाको राप्ती प्रादेशिक अस्पतालमा उपचारका क्रममा मृत्यु भएको थियो ।
बुढाथोकीले श्रीमतीसंगै फेला परेका नेपाली सेनाका जवान आर्यन थापालाई समेत खुकुरी प्रहार गरेका थिए। थापाको गर्धन र टाउकोमा गम्भीर चोट लागेको छ । उनको अवस्था पनि गम्भीर भएको प्रहरीले जनाएको छ ।
घटनाबारे थप अनुसन्धान भइरहेको प्रहरीले जनाएको छ ।
