चितवन-बाढीबाट वन्यजन्तु जोगाउन सौराहास्थित बाघमारा मध्यवर्ती सामुदायिक वनले ढिस्को निर्माण गरेको छ । 

बाढी आउँदा बाघ, गैंडा, भालु, मृगलगायत वन्यजन्तु जोगाउने गरी सुरक्षित स्थान निर्माण गरिएको बाघमारा सामुदायिक वनका अध्यक्ष जीतु तामाङले बताए । सौराहा र आसपासका क्षेत्रमा बाढी आउँदा पानीको सतह पाँच फिटसम्म पुगेको यकिन गरी सात फिट अग्लो माटोको ढिस्को (तटबन्ध) बनाइएको उनले जानकारी दिए । यो ढिस्को झण्डै ४ कठ्ठा क्षेत्रफलमा निर्माण गरिएको छ। 

वर्षाका बेला संरक्षित क्षेत्रका वन्यजन्तु बढी प्रभावित हुने गरेका छन्। कतिपयकाे मृत्यु हुने गरेको छ भने कतिपय बगेर भारतीय क्षेत्रसम्म पुग्ने गरेका छन् ।