आईसीसी टी-२० विश्वकप-२०२४ सुरु
काठमाडौं-आईसीसी टी-२० विश्वकप-२०२४ आजदेखि सुरु भएको छ । अमेरिका र वेस्ट इन्डिजले संयुक्त आयोजना गरेको विश्वकपको उद्घाटन खेलमा क्यानडाले अमेरिकाविरुद्ध ब्याटिङ सुरु गरेको छ ।
डालसस्थित ग्राण्ड प्रेरी क्रिकेट रंगशालामा अमेरिकाले टस जितेर पहिले फिल्डिङ गर्ने निर्णय गरेपछि क्यानडाले ब्याटिङ सुरु गरेको हो ।
दोस्रो खेल वेस्ट इन्डिजमा आज राति ८: १५ बजेबाट सुरु हुने छ । नेपालले भने जुन ४ बाट नेदरल्यान्डससँग पहिलो खेल खेल्दै विश्वकपको यात्र सुरु गर्ने छ । समूह डी मा नेपाल, दक्षिण अफ्रिका, श्रीलंका, बंगलादेश र नेदरल्यान्ड्स छन् । समूह ए मा पाकिस्तान, भारत, आयरल्यान्ड, क्यानडा र अमेरिका छन् ।
समूह बी मा स्कटल्यान्ड, ओमान, इंग्ल्यान्ड, अष्ट्रेलिया र नामिबिया छन् । समूह सी मा पपुवा न्युगिनी, न्युजिल्यान्ड, वेष्टइण्डिज, अफगानिस्तान र युगाण्डा छन् ।
प्रकाशित मिति: आइतबार, जेठ २०, २०८१ ०७:०९
प्रतिक्रिया दिनुहोस्
साताको लोकप्रिय
