चितवन–नेपाल लेयर्स कुखुरापालक संघले अण्डाको समर्थन मूल्य तोकेको छ । संघको आज शनिबार बसेको बैठकले यही जेठ १३ गते आइतबारदेखि लागू हुने गरी अण्डाको समर्थन मूल्य तोकेको हो । 

संघका सचिव मदन पोखरेलका अनुसार एक्सएल साइजको अण्डाको मूल्य प्रतिक्रेट ५ सय रुपैयाँ तोकिएको छ भने ठूलो अण्डा प्रतिक्रेट ४ सय ८० रुपैयाँ तोकिएको छ। यस्तै, मध्यम साइजको अण्डा प्रतिक्रेट ४ सय ६५ तोकिएको छ।

संघको आयोजनामा अण्डाको उत्पादन र बजार अवस्था बारेमा पोखरामा भौतिक र भर्चुअल रूपमा भएको छलफलपछि उक्त मूल्य तोकिएको संघले जनाएको छ । 

यसअघि संघले जेठ ५ मा पनि मूल्य बढाएको थियो ।