काठमाडौं–इरानी राष्ट्रपति मोहम्मद रइसीको हेलिकोप्टर दुर्घटनामा निधन भएको छ। 

इरानी सरकारी सञ्चारमाध्यमले राष्ट्रपति रइसीसहितको दुर्घटनामा निधन भएको पुष्टि गरेको हो । 

इरान–अजरबैजान सीमाबाट ताब्रिज शहर फर्किरहेका बेला राष्ट्रपति रइसी, विदेशमन्त्री होसेन अमिर अब्दोल्याहियानसहित ३ जना चढेको हेलिकोप्टर हिजो दुर्घटनामा परेको थियो । हेलिकोप्टर हिजो हराएपछि खोजी तथा उद्दारका लागि ठूलो मात्रामा उद्धार टोली परिचालन गरिएको थियो ।

इरानी अधिकारीहरुलाई उद्धृत गर्दै अन्तर्राष्ट्रिय सञ्चारमाध्यमले जनाएअनुसार हेलिकोप्टर पूर्ण रुपमा जलेको अवस्थामा भेटिएको हो । 

रइसीलाई इरानी सर्वोच्च नेता आयातोल्लाह अलि खमेनीको उत्तराधिकारीका रुपमा हेर्न थालिएको थियो । उनी सन् २०२१ मा निर्वाचित भएका थिए ।