चितवनः भरतपुर सेन्ट्रल हस्पिटलले भरतपुर महानगरपालिका १० स्थित शंकरपथ एयरपोर्ट टोलका बासिन्दालाई उपचारमा ४० प्रतिशतसम्म छुट दिने भएको छ।
अस्पतालले आफ्नो सामाजिक उत्तरदायित्वअन्तर्गत टोलका बासिन्दालाई विभिन्न छुट दिनेसम्बन्धी ५ बुँदे सम्झौता गरेको हो ।
सम्झौताअनुसार टोलबासीहरुले अस्पतालमा ओपीडी टिकट, अप्रेशन, ल्याब परीक्षण, बेड, फिजियोथेरापी तथा डेन्टलमा ४० प्रतिशत छुट पाउने भएका छन् । यस्तै, औषधिमा ७ प्रतिशत छुट हुनेछ । छुट लिन आउँदा टोल विकास ंसंस्थाको सिफारिस या छुट कार्ड आवश्यक रहेको सम्झौतामा उल्लेख छ । शंकरपथ एयरपोर्ट टोल विकास संस्थाका अध्यक्ष अम्बिकाप्रसाद भण्डारी विशेष पहलमा ५ बुँदे सहमतिपत्रसहित सम्झौता गरिएको थियो । उक्त अस्पताल सोही टोलमा पर्छ ।
सम्झौतामा अस्पतालका अध्यक्ष अमृतकुमार राजभण्डारी श्रेष्ठ र टोल विकास संस्थाका अध्यक्ष अम्बिका प्रसाद भण्डारीले हस्ताक्षर गरेका छन् ।
