सन्दीप लामिछाने टी-ट्वेन्टी विश्वकप खेल्न जाँदै, अभ्यास खेलमा समेत सहभागी हुने
काठमाडौं- क्रिकेटर सन्दीप लामिछानेले आईसीसी टी-ट्वेन्टी विश्वकप खेल्ने भएका छन् । जबर्जस्ती करणी मुद्दामा सफाइ पाएका लामिछाने विश्वकपको अभ्यास खेलमा समेत सहभागी हुनेछन् ।
लामिछानेलाई विश्वकप खेल्न अमेरिका पठाउने तयारी भइरहेको नेपाल क्रिकेट संघ क्यानका अध्यक्ष चतुरबहादुर चन्दले जानकारी दिए । उनलाई ह्युस्टनमा हुने दुईवटा अभ्यास म्याचसमेत खेल्ने गरी पठाउन लागिएको चन्दले बताए ।
अमेरिका र वेस्ट इन्डिजमा हुने विश्वकप खेल्ने नेपाली टिम भने यसअघि नै अमेरिका पुगिसकेको छ ।
जबर्जस्ती करणी मुद्दामा काठमाडौं जिल्ला अदालतबाट आठ वर्ष कैद र पाँच लाख रुपैयाँ जरिवाना तोकिएका लामिछानेले बुधबार उच्च अदालत पाटनबाट सफाइ पाएका थिए ।
प्रकाशित मिति: बिहीबार, जेठ ३, २०८१ २२:३३
प्रतिक्रिया दिनुहोस्
साताको लोकप्रिय
