काठमाडौं–भारतको उत्तरप्रदेश सीतापुरमा एक भयानक हत्याकाण्ड भएको छ । 

भारतीय अनलाइन आजतकमा प्रकाशित समाचारअनुसार उत्तरप्रदेशको सीतापुरमा एक युवकले आफ्नी आमा, पत्नी र सन्तानको हत्या गरेर आत्महत्या गरेको हो । 

सीतापुरका मथुरा थाना क्षेत्रको पल्हापुर गाउँमा भएको उक्त घटनामा आरोपी युवकले आमाको गोली प्रहार गरेर हत्या पछि पत्नीलाई हथौडा हानेर हत्या गरेको थियो । त्यसपछि आफ्ना तीन बच्चालाई छतबाट फ्याँकिदिएको थियो । परिवारका ५ सदस्यको हत्या गरेपछि उक्त व्यक्तिले आफैंलाई गोली प्रहार गरेर आत्महत्या गरेको समाचारमा जनाइएको छ । 

प्रहरीको प्रारम्भिक अनुसन्धानअनुसार उक्त व्यक्तिमा मदिरा सेवनको लत थियो भने मानसिक रुपमा समेत विक्षिप्त रहेको बताइएको छ । प्रहरीले घटनाको थप अनुसन्धान भइरहेको जनाएको छ ।