काठमाडौं-धादिङको थाक्रे गाउँपालिका-५ गैरीखर्कस्थित एक घरमा आगलागी हुँदा श्रीमान-श्रीमतीको मृत्यु भएको छ।

गएराति ७० वर्षीय तेजबहादुर लामाको एकतले घरमा आगलागी हुँदा तेजबहादुर र उनकी ७० वर्षीया श्रीमती ठूली तामाङको मृत्यु भएको धादिङ प्रहरीले जनाएको छ । 

घटना राति साढे ११ बजेको हो। आगलागीको सूचना प्राप्त भएपछि खटिएको प्रहरी टोली घटनास्थल पुग्दा दुवै जनाको मृत्यु भइसकेको जनाइएको छ । राति विद्युत् सर्ट भई आगलागी भएको प्रहरीको अनुमान छ।  प्रहरीले राति १२ बजेपछि आगो नियन्त्रणमा लिएको थियो । 

आगलागीबाट घर पूर्ण रूपमा क्षतिग्रस्त भएको छ।