काठमाडौं- सहकारीपीडितले सहकारीसम्बन्धी समस्या द्रुत प्रकृयाबाट समाधान गर्ने निर्णय छिटो कार्यान्वयन हुनेमा आफूहरु आशावादी रहेको बताएका छन् ।
पीडितहरुको समूह शुक्रबार सिंहदरबार पुगी उपप्रधान एवम् गृहमन्त्री रवि लामिछानेलाई उक्त आग्रह गरेका हुन् ।
मन्त्री लामिछानेले सहकारीको समस्या जतिसक्दो छिटो समाधान गर्न आवश्यक रहेको भन्दै बिहीबारको मन्त्रिपरिषद् बैठकमा लिखित रुपमै पत्र पेश गरेका थिए । त्यसपछि मन्त्रिपरिषद् बैठकले यो समस्या द्रुत प्रकृयाबाट समाधान गर्ने निर्णय गरेको थियो ।
उनीहरुसँगको भेटमा गृहमन्त्री लामिछानेले सहकारीका कारण नागरिकको घरबास उठ्ने अवस्था आएकाले आफुले त्यसलाई टुलुटुलु हेरेर बस्न नसकेको बताए ।
अब सरकारले सहकारी ठगहरुको नाममा रहेको सम्पत्ती र उनीहरुले आफ्ना आफन्तका नाममा बनाएको सम्पत्ति बेचेर भए पनि बचतकर्ताको रकम फिर्ता गर्नेगरी सरकारले काम गर्ने उनले बताए ।
