काठमाडौं : बारामा कार्यरत एक प्रहरीले बोकेको अटोमेटिक पेस्तोल नै गायब भएको छ । इलाका प्रहरी कार्यालय अमलेखगन्ज, बाराका वरिष्ठ सईले बोकेको अटोमेटिक पेस्तोल गायब भएको हो ।वरिष्ठ सई पूर्ण बिसीले बोकेको अटोमेटिक पेस्तोल ( सर्विस रिवल्वर) सोमवार रातिदेखि गायब भएको बारा प्रहरीले जनाएको छ ।

सई बिसी सोमवार राति गस्तीमा निस्केको र सोही क्रममा उनले बोकेको गोली लोड गरिराखेको पेस्तोल हराएको हो । गोलीमा १० वटा गोली लोड रहेको थियो ।पेस्तोल हराएको घटनाको पुष्टि गर्दै जिल्ला प्रहरी कार्यालय बाराका डिएसपी दधिराम न्यौपानेले घटनाबारे थप अनुसन्धान भइरहेको बताए ।