धनकुटामा माइक्रो दुर्घटना हुँदा १५ जना घाइते
धनकुटा-धनकुटामा माइक्रोबस दुर्घटना हुँदा १५ जना घाइते भएका छन् ।
काठमाडौंबाट संखुवासभाको खादबारी जाँदै गरेको बा ५ ख ७२४ नम्बरको माइक्रो आज बिहान धनकुटा नगरपालिका-९ च्याङच्याङबारीमा दुर्घटना भएको हो ।
घाइतेमध्ये ७ जनाको अवस्था गम्भीर रहेको छ । घाइतेहरुलाई उपचारका लागि धरानस्थित बीपी कोइराला स्वास्थ्य बिज्ञान प्रतिष्ठान पठाइएको प्रहरीले जनाएको छ । माइक्रो सडकबाट करिब ७५ फिट तल खसेको छ । दुर्घटनापछि गाडी चालक हरिशरण आलेलाई प्रहरीले नियन्त्रणमा लिएको छ । माइक्रोमा चालकसहित २० जना यात्रु सवार थिए ।
प्रकाशित मिति: शनिबार, वैशाख ८, २०८१ ०८:५३
प्रतिक्रिया दिनुहोस्
थप समाचार
साताको लोकप्रिय
