सल्यान । सल्यानमा बस दुर्घटना हुँदा १४ जना घाइते भएका छन् । आज बिहान पौने ११ बजे बागचौर नगरपालिका-२ ठिङबाङस्थित राप्ती राजमार्ग अन्तर्गत दाङ-रूकुम सडक खण्डमा चल्ने बस दुर्घटना भएको  जिल्ला प्रहरी कार्यलय सल्यानले जनाएको छ ।

रा १ ख २०८५ नम्बरको बस अनियन्त्रित भएर दुर्घटनामा परेको जिल्ला प्रहरी कार्यालयले जनाएको छ । घाइते १४ जनामध्ये चार जनाको अवस्था गम्भीर छ । १० जना भने सामान्य छन्।

गम्भीर घाइतेलाई उपचारका लागि नेपालगञ्ज लगिएको छ । बाँकी सामान्य घाइतेको बागचौर स्थिति स्थानीय मेडिकलमा उपचार भैरहेको छ ।