चितवनमा ट्रक र टिपर ठोक्किँदा तीन जना घाइते
चितवन-चितवनमा आज बिहान ट्रक र टिपर ठोक्किँदा तीन जना घाइते भएका छन् ।
राप्ती नगरपालिका-१ पिप्लेस्थित पूर्वपश्चिम राजमार्गमा लोथरबाट भण्डारातर्फ आउँदै गरेको ना ७ ख ४५७८ नम्बरको टिपर र विपरीत दिशातर्फ जाँदै गरेको ना ८ ख ४०९३ नम्बरको ट्रक एक आपसमा ठक्कर खाँदा तीन जना घाइते भएको प्रहरीले जनाएको छ ।
दुर्घटनामा ट्रक चालक मकवानपुर हेटौडा-१६ बस्ने वर्ष ३० को साजन मगर, ट्रकमा सवारहरू चितवनको राप्ती-२ बस्ने वर्ष ३० का अमित थापामगर, मकवापुर हेटौँडा- १६ बस्ने वर्ष ३० का रमेश चौलागाईँ र टिपरको सहचालक मकवानपुर मनहरी गाउँपालिका- ६ बस्ने वर्ष ३२ का पुकार राई घाइते छन् ।
घाइतेहरूको चितवन मेडिकल कलेजमा उपचार भइरहेको छ । टिपर चालक फरार रहेको र खोजी कार्य भइरहेको प्रहरीले जनाएको छ ।
प्रकाशित मिति: सोमबार, वैशाख ३, २०८१ १५:०६
प्रतिक्रिया दिनुहोस्
थप समाचार
साताको लोकप्रिय
