खोटाङ - खोटाङमा छुरा प्रहारबाट एक जनाको मृत्यु भएको छ ।

शनिबार साँझ तीन जनाले छुरा प्रहार गर्दा दिक्तेल रुपाकोट मझुवागढी नगरपालिका–११ का ३१ वर्षीय धनजित राईको मृत्यु भएको हो। उनलाई सोही ठाउँका भिमबहादुर राईको मकैबारीमा छुरा प्रहार गरिएको थियो।

घाइतेको घट्नास्थलमै मृत्यु भएको जिल्ला प्रहरी कार्यालय खोटाङका डिएसपी पुरुषोत्तम खड्काले जानकारी दिए । छुरा प्रहार गरी फरार भएका अभियुक्तको खोजी भइरहेको छ। घटनाको जानकारी पाए लगत्तै प्रहरी चौकी जालपाबाट प्रहरीको टोली घट्नास्थलमा खटिएका छन्।