अर्घाखाँची। अर्घाखाँचीमा आफ्नै भाइको हत्या गरेको अभियोगमा  प्रहरीले एक जनालाई पक्राउ गरेको छ। 

शितगङ्गा नगरपालिका १२ रजिया बस्ने राजन भुसालको हत्या गरेको आरोपमा उनकै दाजु जनकराज भुसाललाई प्रहरीले पक्राउ गरेको हो। विदेश बस्दै आएका जनकराज १ महिनाअघि मात्र घर आएका थिए।

उनलाई ठाडादहबाट शुक्रबार पक्राउ गरिएको इलाका प्रहरी कार्यालय ठाडाका प्रमुख ऋषिराम घर्तीले जानकारी दिए ।  

थप अनुसन्धानको लागि ७ दिन म्याद थपिएको घर्तीले बताउनु भएको छ। ९ वर्ष अगाडि हत्या गरेर भुसाल फरार  थिए। 

 जनकराजले हत्या आफूले गरेको स्वीकार गरेको प्रहरी प्रमुख घर्तीले जानकारी दिए। थप अनुसन्धान भइरहेको प्रहरीले जनाएको छ ।