लुम्बिनीको मुख्यमन्त्रीमा माओवादीका जोखबहादुर महरा नियुक्त
काठमाडौं । लुम्बिनी प्रदेशको मुख्यमन्त्रीमा माओवादीका जोखबहादुर महरा नियुक्त भएका छन् ।
माओवादी संसदीय दलका नेता महरालाई संविधानको धारा १६८ को २उपधारा २ बमोजिम लुम्बिनी प्रदेशको मुख्यमन्त्रीमा प्रदेश प्रमुख अमिक शेरचनले शुक्रबार नियुक्त गरेका हुन् । उनलाई माओवादी केन्द्रसहित नेकपा एमाले, जनता समाजवादी, नागरिक उन्मुक्ति नेकपा समाजवादी र स्वतन्त्र प्रदेश सभा सदस्यको समर्थन छ ।
माओवादीका १०, एमालेका २९, नागरिक उन्मुक्तिका ४, जसपाका ३, नेकपा एसका एक र स्वतन्त्रका एक गरी ४८ प्रदेश सभा सदस्यको हस्ताक्षरसहित दाबी पेस गरेका थिए ।
यसअघि बिहीबार नेपाली कांग्रेसका तर्फबाट मुख्यमन्त्री बनेका डिल्लीबहादुर चौधरीले राजीनामा दिएका थिए । नवनियुक्त मुख्यमन्त्री महराले आइतबारसम्म सानो मन्त्रीमण्डल गठन गरेर शपथ ग्रहण गर्ने तयारी गरेका छन् ।
प्रकाशित मिति: शुक्रबार, चैत २३, २०८० १५:५३
प्रतिक्रिया दिनुहोस्
साताको लोकप्रिय
