न्युयोर्कमा नेपालीको मोबाइल पसलमा लुटपाट
न्युयोर्क-न्युयोर्कको ज्याक्सनहाइटमा नेपालीको मोबाइल पसलमा लुटपाट भएको छ । पसलबाट १५ हजार डलर र १०० वटा फोन लुटपाट भएको अमेरिकाबाट प्रकाशन हुने नेपाली अनलाइन खसोखासले जनाएको छ । गत शनिबार बेलुका साढे ८ बजे २ जना अज्ञात बन्दुकधारीहरु पसलभित्र पसेर लुटपाट गरेको रिपोर्ट प्राप्त भएको प्रहरीले जनाएको हो ।
लुटपाट ३७५६ ए, ७४ स्ट्रीटमा रहेको मोबाइल पसलमा भएको हो । लुटेरामध्ये एक पुरुषले ४० वर्षीय पसलका कामदारको टाउकोमा हतियारले प्रहार गर्दा घाउचोट लागेको थियो ।
घटनाबारे अनुसन्धान जारी रहेको न्युयोर्क प्रहरीले जनाएको छ । न्युयोर्कको ज्याक्सनहाइटमा यस अगाडि पनि नेपाली र नेपालीभाषीहरुका स्टोरहरुमा पटकटक लुटपाट हुने गरेको छ । यसअगाडि नै ज्याक्सनहाइटमा नै रहेको नेपालीको मोबाइल पसलमा समेत लुटपाट भएको थियो ।
प्रकाशित मिति: बिहीबार, चैत २२, २०८० ०८:१५
प्रतिक्रिया दिनुहोस्
साताको लोकप्रिय
